Azərbaycanda deputatın rəis oğlu koronavirusa yoluxdu: İdarə karantinə alındı
Baş Dövlət Yol Polisi İdarəsinin Avtomobillərin Texniki Müayinə Mərkəzinin rəisi Elşad Məmmədov koronavirusa yoluxub.
Xeberinmerkezi.az-ın məlumata görə, rəis bir neçə gündür xəstəxanada müalicə alır.
Bildirilib ki, mərkəzin əməkdaşları karantinə alınıb.
Qeyd edək ki, Elşad Məmmədov Milli Məclisin deputatı Elman Məmmədovun oğludur.
Deputat yerli KİV-ə açıqlamasında məlumatı təsdiq edib:
“Üç gündür COVID-19-a yoluxub. Hazırda xəstəxanada müalicəsini davam etdirir”.
Deputat qeyd edib ki, E.Məmmədovla birlikdə yaşamadıqları üçün analiz verməyiblər.