Bayramovla Mirzoyana sülhlə bağlı təlimat verildi
Azərbaycan və Ermənistan XİN başçılarına sülh sazişi işlərinin tez zamanda yekunlaşdırılması təlimatı verilib.
Bu barədə Rusiyanın Kazan şəhərində keçirilən XVI BRİKS Sammiti əsnasında Azərbaycan Prezidenti İlham Əliyev və Ermənistanın Baş naziri Nikol Paşinyan arasında keçirilən görüşün nəticələrinə dair Prezidentin Mətbuat Xidmətinin yaydığı məlumatda bildirilib.
Qeyd olunub ki, görüşdə iki ölkənin xarici işlər nazirlərinə Sülh və Dövlətlərarası Münasibətlərin Qurulması haqqında Saziş üzərində işlərin mümkün tez zamanda yekunlaşdırılması və imzalanması üçün ikitərəfli danışıqları davam etdirmək barədə təlimat verilib.