Çempionlar Liqası: “Qarabağ” “Linkoln”u qəbul edir
Bu gün UEFA Çempionlar Liqasında I təsnifat mərhələsinə yekun vurulacaq.
Xeberinmerkezi.az xəbər verir ki, Azərbaycanın turnirdəki təmsilçisi “Qarabağ” cavab oyununa çıxacaq.
Ağdam təmsilçisi Cəbəllüttariq çempionu “Linkoln”la münasibətlərinə aydınlıq gətirəcək. Bakı Olimpiya Stadionunda keçiriləcək matç saat 20:00-da start götürəcək.
Bu komandalar arasında Cəbəllüttariqdə baş tutmuş ilk oyunda “Qarabağ” 1:2 hesablı qələbə qazanıb.
Cütün qalibi II təsnifat mərhələsində Polşanın “Rakuv” klubu ilə qarşılaşacaq.
UEFA Çempionlar Liqası
I təsnifat mərhələsi, cavab oyunu
20:00. “Qarabağ” (Azərbaycan) - “Linkoln” (Cəbəllüttariq)
Baş hakim: Eldorjan Hamiti (Albaniya)
Bakı Olimpiya Stadionu