DİN-dən məktəbdə intihara cəhd edən şagirdlə bağlı AÇIQLAMA
Nəsimi rayonu, 159 saylı orta məktəbin altıncı sinif şagirdinin məktəbdə intihara cəhd etməsi barədə məlumat yayılıb.
APA xəbər verir ki, bu barədə sosial şəbəkələrdə edilən paylaşımda şagirdin məktəbin direktoru tərəfindən təhqir edildiyi üçün intihar etmək istədiyi deyilir.
Daxili İşlər Nazirliyinin (DİN) mətbuat xidməti qeyd olunan məlumatın polis əməkdaşları tərəfindən yoxlanıldığını, şərti adı A.A. olan şagirdin müəllimlərinin və valideynlərinin məlumatı təsdiq etmədiyini bildirib.
Qeyd olunub ki, şagird hazırda dərsdədir.
159 nömrəli tam orta məktəbdən verilən məlumata görə, məktəbdaxili araşdırma çərçivəsində valideynlərlə görüşülüb:
“Onlar da belə bir halın baş vermədiyini bildirdilər”.