Finlandiya Rusiya ilə sərhəddə tikiləcək hasara 139 milyon avro xərcləyəcək
Finlandiya hökuməti ölkənin Rusiya ilə sərhədində hasarların tikintisi üçün 139 milyon avro təklif edir.
Bu barədə “Röyters” məlumat yayıb.
“Layihəyə əsasən, hasar sərhədin 10-20 faizini, yəni 130-260 km-ni əhatə edəcək və onun tikintisi dörd ilə qədər vaxt aparacaq. Hasar ölkə ərazisinə qanunsuz keçid riskini azaldacaq”, - məlumatda deyilir.
Qeyd edək ki, ölkələr arasında quru sərhədinin uzunluğu təqribən 1,3 min km-dir.