İranda 26 yaşlı qadın molla rejimi cəlladları tərəfindən qaçırılıb
İranın Qəzvin əyalətinin Əlvənd şəhərindən olan 26 yaşlı Hadisə Nəcənd qaçırılıb.
Bu barədə “Azad İran” “Telegram” kanalı məlumat verib.
Məlumata görə, o, 3 yaşlı övladını uşaq bağçasına qoyduqdan sonra naməlum şəxslər tərəfindən oğurlanıb. Onun barəsində heç bir məlumat yoxdur. Ailəsi və yaxınları polisə müraciət etsələr də, onlara heç bir cavab verilməyib.
Hadisə Nəcənd bloqer olub və onun bir neçə gün öncə öz “İnstagram” səhifəsində Məhsa Əmini ilə bağlı paylaşım etdiyi qeyd edilir.