Fevralın 7-də Prezident İlham Əliyev ötən gün zəlzələ baş vermiş Şamaxı rayonunda olub.
Trend-in məlumatına görə, dövlət başçısı Şamaxı şəhərinin Salman Mümtaz küçəsində zəlzələdən daha çox ziyan görən 33 nömrəli evin sakinləri ilə görüşüb.
Prezident İlham Əliyev vəziyyətlə tanış olub və dəymiş ziyanın tez bir zamanda ödənilməsi ilə bağlı tapşırıq verib.
Görüş zamanı ev sahibəsi dövlət başçısına təşəkkür edərək əlini öpmək istəyərkən, Prezident İlham Əliyev təsirli jest edərək yaşlı qadına doğru əyilib və onun əlini öpüb.
Dövlət başçısı qeyd edib ki, hər bir zərərçəkənə bütün lazımi köməklik göstəriləcək.