Tramp səhiyyə nazirinin vəzifəsindən azad ediləcəyi barədə məlumatı təkzib etdi
ABŞ Prezidenti Donald Tramp ölkənin Səhiyyə naziri Aleks Azarın koronavirus pandemiyası fonunda vəzifəsindən azad ediləcəyi barədə məlumatı təkzib edib.
“Bu saxta xəbərdir. Mən Azarı vəzifəsindən azad etməyəcəm. Bəzi qalmaqal axtarışında olan KİV-lər bunu bilə-bilə ölkədə xaos vəziyyəti görüntüsünü yaratmaq istəyir. Onlar məndən heç vaxt müsahibə almırlar. Aleks öz işini əla görür”, - deyə dövlət başçısı əlavə edib.
“Gazeta.ru” xəbər verir ki, daha əvvəl Ağ Evin səhiyyə nazirini dəyişmək istədiyi barədə xəbər yayılmışdı.