Türkiyə İraqda hərbi əməliyyata başladı
Türkiyə ordusu İraqda "Pəncə-3" hərbi əməliyyatına başlayıb.
Xeberinmerkezi.az "Hürriyet"-ə istinadən xəbər verir ki, bu barədə Türkiyə Milli Müdafiə Nazirliyi məlumat yayıb.
Məlumata əsasən, əməliyyata İraqın şimalındakı Sinat-Haftanin bölgəsində start verilib.
"Pəncə-3" əməliyyatı avqustun 23-də başlayıb. Hərbi əməliyyat sərhəd təhlükəsizliyini daha irəlidən təmin etmək, Sinat-Haftanin bölgəsindəki terrorçuları və onların istifadə etdikləri mağara, sığınacaqları məhv etmək məqsədilə həyata keçirilir.
Bildirilib ki, hərbi əməliyyatlarda qırıcılardan, pilotsuz uçuş aparatlarından, silahlı pilotsuz uçuş aparatlarından və haubitsalardan istifadə olunur
Əməliyyatın planlaşdırılmış şəkildə uğurla davam etdiyi bildirilir.