Yağış Çernobıl AES-də yanğının söndürülməsinə kömək etdi
Yağış xilasedicilərə və meşə mühafizəçilərinə Çernobıl AES-də (Atom Elektrik Stansiyası) yanğının söndürülməsinə kömək edib.
Bu barədə Strana.ua nəşri Ukraynanın Fövqəladə Hallar üzrə Dövlət Xidmətinə (FHDX) istinadən məlumat yayıb.
Mənbəyə görə, yanğının söndürülməsinə 400-dən çox mütəxəssis və 100 ədəd texnika cəlb edilib.
Yanğın artıq nüvə stansiyası və radiasiya tullantılarına təhlükə yaratmır. FHDX-dan verilən məlumata görə, Kiyevdə və bölgədə radiasiya fonu normadan çox deyil.
Yanğına qarşı mübarizədə Kiyev vilayətində yağan yağışın da kömək etdiyi qeyd olunur.