Zalujnı: 10 generalı qovdum, biri özünü güllələdi
Genişmiqyaslı müharibə başlayandan bəri 10 generalı işdən qovdum, biri isə özünü güllələyib.
Bu sözləri Ukrayna Silahlı Qüvvələrinin baş komandanı Valeri Zalujnı deyib.
“Öz generallarıma güvənirəm. Müharibə başlayandan bəri onunu qovmuşam, çünki uyğun deyildilər. Biri özünü güllələdi. General Sırskiyə güvənirəm. Əgər o, mənə ikinci briqada lazım olduğunu deyirsə, deməli, həqiqətən də belədir. Əlbəttə, burada mən özümü hamıdan ağıllı hesab etmirəm. Meydanda olanları mütləq dinləməliyəm, çünki təşəbbüslər var”, - deyə o bildirib.