Xəbərin Mərkəzi

Ən dəqiq və daim yenilənən xəbərlər xəbərin mərkəzində

1 SAYLI PSİXİATRİYA XƏSTƏXANASININ KEÇMİŞİ VƏ BU GÜNÜ

Bu yaxınlarda 1 saylı Respublika Psixiatriya Xəstəxanasının 80 yaşı tamam olub. Yubiley münasibəti ilə tədbir də keçirilib. Qeyd edək ki, Azərbaycanda ilk dəfə 1925-ci ildə Mərdəkanda 150 nəfərlik psixiatrik koloniya təşkil olunub. Bir qədər sonra isə, Maştağada yerləşən psixiatrik koloniyanın daha səmərəli işləməsi üçün, onun bazasında 200 çarpayı fondu ilə psixiatrik xəstəxana fəaliyyətə başlayır.

1951- ci ildə isə, Azərbaycan SSR Tibb işçiləri Həmkarlar İttifaqının kollegiya iclasında Maştağa qəsəbəsində yeni Respublika Psixiatriya Xəstəxanası tikilməsi haqqında qərar verilir. Xüsusi ilə qeyd edək ki, 1984-cü ildə SSRİ-də ilk dəfə keçirilən Beynəlxalq Psixiatriya Konferansına məhz, 1 saylı Psixiatriya Xəstəxanası ev sahibliyi etmişdir. Xəstəxana həmçinin, 1983-85 –ci illərdə SSRİ Səhiyyə Nazirliyinin və Tibb İşçiləri Həmkarlar İttifaqı Mərkəzi Komitəsinin Keçici Qırmızı Bayrağına Layiq görülüb.

Sözü gedən qocaman tibb müəssisəsi müsəqilliyimizi yeni qazandığımız və sonraki illərdə baxımsızlıq nəticəsində hətta bağlanmaq təhlükəsi ilə də üz-üzə qalıb. Ancaq dövlət başçısı İlham Əliyevin uğurlu kadr siyasəti öz bəhrəsini verib. Səhiyyə Nazirliyinə məhz Oktay Şirəliyevin rəhbər təyin olunması respublikada bütövlükdə bu sahənin köklü dəyişikliyinə və inkişafına təkan verib. Təbii ki, 1 saylı Psixiatriya Xəstəxanası da bu inkişafdan kənarda qalmayıb. Xəstəxananın bütün ərazisi yaşıllaşdırılıb, yeni korpuslar tikilib, xəstələrin müalicəsi üçün bütün şərait yaradılıb. Məlumat üçün bildirək ki, burada xəstələrin sayı 2000-i ötüb. Bunlardan 345-i tamamı ilə təbii instinktlərdən məhrumdur. Yəni, su və yemək belə istəyəcək halda deyillər. Təsəvvür edin ki, bu insanların bir çox problemləri, ehtiyacları var. Hansı ki, bu işlərin öhdəsindən məhz xəstəxananın tibb və digər işçiləri gəlir. Bir diqqət çəkən məqam da ondan ibarətdir ki, burada müalicə alan xəstələr aylarla hətta illərlə ailələri tərəfindən xəstəxanadan bilərəkdən çıxarılmır. Bu xəstələrin ailə üzvlərinə demək istədiyimiz odur ki, bura sanatoriya deyildir, xəstəxanadır. Çünki, kənarda çoxlu sayda xəstə müalicə üçün növbə gözləyir. Bir müddət öncə atanın öz 13 yaşlı qızını faciəli şəkildə qətlə yetirməsi xəbərini hamılıqla televiziya ekranlarında izlədik. Ondan əvvəl oğlunun atasını balta ilə qətlə yetirməsi xəbərinin acısını da yaşadıq. Çox təəssüflər olsun ki, bu siyahını daha da uzatmaq olar. Ən acınacaqlısı isə, bu da son deyildir.

Bu bir gərçəkdir ki, bir çox sahələrdə xüsusi ilə də səhiyyə sahəsində həyata keçirilən işlərdə və əldə olunan nailiyyətlərdə millət vəkili, UNESCO-nun və ISESCO-nun xoşməramlı səfiri, Heydər Əliyev fondunun prezidenti, həmçinin bu yaxınlarda ölkənin birinci vitse prezidenti təyin olunan Mehriban Xanım Əliyevanın adını çəkməmək mümkün deyildir. Yeri gəlmişkən xəstəxananın kollektivi və rəhbərliyi Mehriban xanıma yeni təyinatı münasibəti ilə uğurılar diləyir. Sonda xəstəxananın fotolarını sizə təqdim edirik ki, keçmişi ilə bu gününü özünüz müqayisə edəsiniz.