ABŞ və Rusiya: Sülh naminə döyüş vasitəsilə Ermənistan uğrunda mübarizə
Mayın 1-də Ermənistan və Azərbaycan arasında xarici işlər nazirləri səviyyəsində danışıqların növbəti raundu başlayıb.
“Caliber” layihəsinin “YouTube” səhifəsində yayımlanan yeni videomaterial bu mövzuya həsr olunub.
“Danışıqların başlıca vasitəçisi olan ABŞ Dövlət Departamenti prosesin bir həftə davam etməsinin mümkünlüyünü açıqlayıb. Tarix iki düşmən ölkənin XİN başçılarının Vaşinqtonda bağlı qapılar arxasında bir həftə qalması faktını xatırlamır. Odur ki, Ermənistan – Azərbaycan danışıqlarının bu mərhələsi bənzərsiz olduğu üçün tarixə düşmək şansına malikdir”, - deyə süjetdə bildirilir.
Qeyd olunur ki, danışıqların müddəti onların qeyri-formallığından və ciddiliyindən xəbər verir.