"Azəriqaz"ın 27 əməkdaşı mükafatlandırılıb
“Azəriqaz” İstehsalat Birliyinin baş direktoru Ruslan Əliyev qurumun Zaqatala Regional Qaz istismarı İdarəsinin xidmət sahələrində çalışan bir qrup Birlik əməkdaşı ilə görüş keçirib.
Xeberinmerkezi.az xəbər verir ki, Baş direktor xidmətdə yüksək nəticələr əldə edən əməkdaşların həvəsləndirilməsinin, fəaliyyətlərinin stimullaşdırılmasının, vəzifədə irəli çəkilməsinin hər zaman “Azəriqaz” rəhbərliyinin diqqətində olduğunu qeyd edib. Baş direktor nəzarətçi-çilingərlərin əmək fəaliyyətini yüksək qiymətləndirdiyini vurğulayaraq hər bir əməkdaşın qayğıları ilə maraqlanıb.
Daha sonra Ruslan Əliyev “Azəriqaz” İB-də faydalı işinə, nümunəvi əmək fəaliyyətinə görə Birliyin 27 əməkdaşını Fəxri Fərman və hədiyyə ilə mükafatlandırıb. Birlik əməkdaşları göstərilən diqqət və qayğıya görə “Azəriqaz” rəhbərliyinə təşəkkür ediblər.