Bizi xoşbəxt edən budur – Sevil Əliyeva
Azərbaycan Respublikasının Prezidenti İlham Əliyevin bacısı Sevil Əliyeva xalqımızı Novruz bayramı münasibətilə təbrik edib.
Kult.az xəbər verir ki, S.Əliyeva bu barədə şəxsi İnstaqram hesabında yazıb.
“Əziz bacılar və qardaşlar, Uca Tanrı bizi həmişə gələcəyə ümidlə baxan, nikbin xalq kimi yaradıb. Bizi yaşadan və xoşbəxt edən də elə bu gözəl hissdir. Novruz bayramımız da məhz bu hissin təcəssümüdür. Sizi xalqımızın ən qədim, ən sevimli, təbiətin oyanışının rəmzi olan Novruz bayramı münasibətilə ürəkdən təbrik edirəm. Sizə uzun ömür, möhkəm can sağlığı, ailə səadəti arzulayıram. Ulularımızdan bizə yadigar qalan Novruz tonqalları həyatınızı işıqlandırsın, süfrələriniz ruzi-bərəkət, ömrünüz isə yaz sevinci ilə bol olsun”.