Güneydə idarələrə elektrik enerjisinin verilişi dayandırıldı
Şərqi Azərbaycanın Elektrik Paylayıcı Şirkəti əyalətdə 66 dövlət müəssisəsi və bankına elektrik enerjisinin verilişini dayandırıb.
Xeberinmerkezi.az xəbər verir ki, bu barədə Şərqi Azərbaycan Elektrik Paylayıcı Şirkətinin baş direktoru Əkbər Fərəcniya məlumat verib.
Məlumata görə, sözügedən idarələr elektrik enerjisi sərfiyyatının azaldılması zərurəti ilə bağlı xəbərdarlıqlara məhəl qoymadıqları üçün elektrik enerjisindən məhrum ediliblər.
Qeyd edək ki, İranda elektrik enerjisi böhranı dərinləşib. Hökumətin təsdiqinə əsasən, inzibati orqanlar iş saatlarında elektrik enerjisi istehlakını azı 30%, işdən kənar vaxtlarda isə 60% azaltmalıdırlar.