İran amili nefti bahalaşdırır: qiymət nə qədər qalxacaq?
Neftin qiymətində qeydə alınan artımlar İran faktoru ilə əlaqədardır.
Bu sözləri Axar.az-a açıqlamasında Neft Araşdırmalar Mərkəzinin rəhbəri İlham Şaban deyib. Ekspert neftin qarşıdakı dönəmlərdə də bahalaşacağını bildirib:
“ABŞ-İran gərginliyi uzun sürəcək. Trampın şiddətinə rəğmən, İrandan neft alan şirkətlər bu ticarəti tamamilə dayandıra bilməzlər. Hindistan, Çin, Cənubi Koreyanın dövlət şirkətləri bundan sonra da İrandan neft almaqda davam edəcəklər. Bu fonda dünya bazarında neftin qiymətlərində 100-150 dollara kimi artım proqnozlaşdırılmasa da, 80 dollara kimi bahalaşma gözləniləndir”.
Qeyd edək ki, hazırda “Brent” markalı neftin qiyməti 77,54 dollaradır.