İranın Səudiyyədəki səfirliyi 7 ildən sonra açıldı
İranın Səudiyyə Ərəbistanın paytaxtı Ər-Riyaddakı səfirliyi 7 ildən sonra yenidən fəaliyyətini bərpa edib.
Xeberinmerkezi.az xəbər verir ki, bu barədə İran dövlət televiziyası məlumat yayıb.
Bildirilib ki, səfirliyin açılış mərasiminə İran xarici işlər nazirinin müavini Əli Rza Bigdəli qatılıb.
Xatırladaq ki, 2016-cı ilin 2 yanvarında şiə din adamı Nimr ən-Nimrin edam edilməsindən sonra Tehran-Ər-Riyad arasında əlaqələrdə gərginlik yaşanmışdı.
İran rəsmilərinin Səudiyyə qarşı açıqlamalarından sonra bu ölkənin Tehrandakı səfirliyi və Məşhəddəki konsulluğu etirazçılar tərəfindən yandırılmışdı.
Buna cavab olaraq da Səudiyyə hakimiyyəti 3 yanvar 2016-cı ildə İranla diplomatik əlaqələrini dayandırdığını elan etmişdi.