Kabildə növbəti partlayış: ölənlər var
Əfqanıstan paytaxtı Kabilin qərbində baş verən partlayış nəticəsində azı 2 nəfər ölüb, 12 nəfər yaralanıb.
Xeberinmerkezi.az xəbər verir ki, bu barədə “Tolonyus” telekanalı məlumat yayıb.
Ticarət mərkəzinin ərazisində əl qumbarasının partladığı bildirilib.
Partlayışla bağlı hələ ki, heç kim məsuliyyəti öz üzərinə götürməyib.
Qeyd edək ki, bu gün Əfqanıstanda üç partlayış baş verib. Onlardan ikisi Kabildə, digəri isə ölkənin şimalındakı Məzari-Şərif şəhərində qeydə alınıb.