Paşinyan Qarabağdan əlini üzdü
Ermənistanın baş naziri Nikol Paşinyan Qarabağdakı ərazilərin güzəştə gedilməsi sualına Dağlıq Qarabağda qurulmuş quldur rejimin rəhbərliyinin cavab verməli olduğunu deyib.
Bu barədə o, “New York Times” qəzetinə verdiyi müsahibəsində bildirib.
“Paşinyan münaqişənin mümkün sülh yolu ilə həll olunacağı təqdirdə Ermənistanın hər hansı bir ərazini təslim etməyə hazır olub-olmadığını söyləməkdən imtina etdi və bu sualın onun deyil, qondarma “Dağlıq Qarabağ rəhbərliyi” tərəfindən cavablandırılmalı olduğunu vurğuladı”, - nəşrdə qeyd edilib.