Polşanın Ukrayna və Belarusla sərhədində minə yaxın yük maşını toplaşıb
Polşanın Ukrayna və Belarusla sərhədində yük maşınlarından ibarət uzun növbə yaranıb.
Lyublin vergi palatasının nümayəndəsi Mixal Derus bildirib ki, ərazidə minədək avtomobil dayanıb.
Derusun sözlərinə görə, şənbə günü Dorohuskda Polşadan Ukraynaya getmək üçün yük maşınları 45 saat növbə gözləməli olacaqlar.
O, qeyd edib ki, Dorohusk sərhəd-keçidində son gecə növbəsi zamanı hər iki istiqamətə 640 yük maşını buraxılıb.
Mənbə: gazeta.ru