"Qarabağ" "Arsenal"ı bu stadionda qəbul edəcək
"Qarabağ"ın Avropa Liqasının qrup mərhələsindəki ev oyunlarının yeri dəyişdirilib.
Report-un əldə etdiyi məlumata görə, Ağdam təmsilçisi ev oyunlarını Bakı Olimpiya Stadionunda keçirəcək.
Qeyd edək ki, UEFA daha əvvəl "Qarabağ"ın Bakıdakı oyunlarını Tofiq Bəhramov adına Respublika stadionunda keçirəcəyini açıqlamışdı. Ölkə çempionu ilk ev matçında oktyabrın 4-ü "Arsenal"ı qəbul edəcək.
2019-cu il Avropa Liqasının finalı da mayın 29-da Bakı Olimpiya Stadionunda təşkil olunacaq.