Rusiya Azərbaycanın tələbi ilə onu həbs edib
Rusiyada məhkəmə Azərbaycanın vəsatəti əsasında respublikada terrorçuluq məqsədilə təlimlər keçirmək, cinayətkar birlik təşkil etmək, silahlı birləşmələr və ya qruplar yaratmaqda təqsirləndirilən şəxsi həbs edib.
Bu barədə “RİA Novosti” məhkəmə materiallarına istinadən məlumat yayıb.
Məlumata görə, həmin şəxs Azərbaycanda qiyabi həbs olunaraq axtarışa verilib:
“Azərbaycan tərəfdən lazımi təsdiqlər vaxtında alınıb və daha sonra Rusiya hüquq-mühafizə orqanlarının əməkdaşları xarici həmkarlarına həmin şəxsin saxlanılması barədə məlumat verib. Moskva məhkəməsi təqsirləndirilən şəxsi həbs edib”.
Materiallarda onun hansı ölkənin vətəndaşı olduğu göstərilmir.