Xameneinin nümayəndəsi Azərbaycanı tərk edib
İran İslam Respublikasının ali rəhbəri Əli Xameneinin Azərbaycandakı nümayəndəsi Əli Əkbər Ocaqnejat Azərbaycanı tərk edib.
Bu barədə “BBC Azərbaycanca”ya İranın Azərbaycandakı səfirliyindən bildirilib.
Qeyd olunub ki, Ocaqnejat bir aydır Tehrandadır.
Xatırladaq ki, oktyabrın 5-də polis əməkdaşları və digər mütəxəssislərin iştirakı ilə Hüseyniyyə məscidinə baxış keçirilib və ibadət yerinin fəaliyyəti dayandırılıb. Hazırda orada epidemioloji xidmət tərəfindən müvafiq tədbirlər görülür.
Qeyd edək ki, Ocaqnejatın ofisi Hüseyniyyə məscidində yerləşir.