Yunanıstan türk F-16-larına S-300-lərlə hücum edib?
Yunanıstanın kəşfiyyat missiyasını yerinə yetirən Türkiyə təyyarələrinə qarşı S-300 hava hücumundan müdafiə sistemlərini işə salıb.
, Bu barədə "CNN Türk" telekanalı Türkiyə Milli Müdafiə Nazirliyindəki mənbəyə istinadən məlumat yayıb.
“Milli Müdafiə Nazirliyindəki mənbələrdən alınan məlumata görə, Türkiyə Hərbi Hava Qüvvələri Komandanlığına aid F-16-ların avqust ayında Egey və Şərqi Aralıq dənizində beynəlxalq hava məkanında uçuşları zamanı müttəfiqlik ruhuna uyğun gəlməyən böyük bir insident yaşanıb. Türkiyə təyyarələri Krit adasında yerləşdirilən S-300 hava hücumundan müdafiə sistemlərinin hücumuna məruz qalıb. S-300-dən Rodos adasının 10 min fut qərbində kəşfiyyat missiyası aparan F-16 qırıcısına yer-hava tipli raket buraxılıb. Buna baxmayaraq, pilotlar öz planlı tapşırıqlarını yerinə yetirib və sağ-salamat öz bazalarına qayıdıblar”, - kanal bildirib.
Yunanıstan Türkiyə F-16 təyyarələrinə S-300 hava hücumundan müdafiə sistemləri vasitəsilə hücum etməsi faktını təkzib edib və belə bir halın baş vermədiyini bildirib.
Bu barədə Yunanıstanın “Nyusbomb” saytı Yunanıstan Müdafə Nazirliyindəki mənbəyə istinadla məlumat yayıb.