Yəmən qiyamçılarına ağır zərbə endirildi
Səudiyyə Ərəbistanının rəhbərlik etdiyi ərəb koalisiya qüvvələrinin təyyarələri Yəməndə hakimiyyətə qarşı döyüşən Husi üsyançılarına növbəti zərbə endirib.
Xeberinmerkezi.az xəbər verir ki, bu barədə “Əl-Ərəbiyyə” kanalı məlumat yayıb.
Məlumata görə, Əl-Dulaymi hərbi bazasına endirilən hava zərbələri zamanı husilərin Səudiyyə Ərəbistanına hücum məqsədilə istifadə etdiyi dörd PUA məhv edilib.
Bundan başqa, husilərin silah istehsalı mərkəzinə də avia-zərbələr endirilib.
Qeyd edək ki, Yəmən ordusu ötən gün Husi qruplaşmasına aid komanda və rabitə mərkəzlərini ələ keçirmişdi.