Ən böyük mehdiyevçilər onlardır!
Ən böyük mehdiyevçilər BDU-nun sabiq rektoru Abel Məhərrəmov və hazırkı rektoru Elçin Babayevdir. Ramiz Mehdiyevin həyat yoldaşı Qalina Mehdiyeva 2003-cü ildən BDU-da “Hesablama riyaziyyatı” kafedrasının müdiridir. Uzun illər işə çıxmayan Qalina xanım üçün iki böyük kabinet-iqamətgah yaradılıb.
Axar.az xəbər verir ki, bu sözləri sabiq millət vəkili Etibar Əliyev qeyd edib.
O bildirib ki, R.Mehdiyevanın ixtisasca zooloq olan qızı BDU-da 2010-cu ildən “Sosial və pedaqoji psixologiya” kafedrasının müdiridir:
"Ona da xüsusi kafedra-iqamətgah yaradıblar".
E.Əliyev vurğulayıb ki, Elmin İnkişafı Fondunun Himayəçilər Şurasının sədri Ramiz Mehdiyev və qurumun İcraçı direktorunun Elçin Babayev olduğu dönəm çox ciddi yoxlanılmalıdır.